Laster Hendelser

«Tung tids tale» av Olaug Nilssen

Ei perle av ei bok blir teater
«Olaug Nilssen tar pusten fra leseren med sin lille roman» VG (terningkast 6), om ei mors kjærleik og kamp for eit barn som er annleis.

Daniel er tre år, og foreldra gler seg over kor flink han er til å synge og prate. Men så sluttar snakkinga. Latteren vender seg innover. Den vesle guten endrar seg. For mora begynner ein kamp, først for å forstå kva som skjer med guten, og så for å få hjelp til å gi han den omsorga han treng. Mødrer skal aldri gi opp, blir det sagt, men kva er aksept, og kva er å gi opp?

Tung tids tale er inga heltehistorie. Det er ei historie om oss alle. Skrive med både humor, sinne og varme. Om ei mor som må gi så mye meir kjærleik enn ho kan få. Om ei mor som møter ei tyngre tid enn ho visste fanst. Midt i Norge, midt i livet, midt i kvardagen til folk.

Olaug Nilssen er ein av våre mest vitale og engasjerte forfattarar, med ein både skarp og inderleg penn, og med Tung tids tale vann ho i fjor Brageprisen. «Ei kjærleikshistorie», kallar ho sjøl boka.

Og når Riksteatret går saman med Det Norske Teatret og Kilden Teater om å lage teater av denne sterkt personlege og kritikarroste romanen, er det Marit Moum Aune som har regien. Ho er ein av våre fremste regissørar, med oppdrag for TV, film og teater, og har tidlegare laga publikumssuksessar av Olaug Nilssens Få meg på, for fanen, Vi har så korte armar og Stort og stygt. For tida er ho aktuell med Engler i Amerika på Nationaltheatret. Med seg har ho dei fire skodespelarane Jon Bleiklie Devik, Julie Moe Sandø, Marianne Krogh og Siren Jørgensen / Charlotte Frogner, mens dramatiseringa er gjort av Toril Solvang i samarbeid med regissøren og Olaug Nilssen sjøl.

Sagt om teaterversjonen:

 «Kollektiv kraftprestasjon (…) Igjen har regissør Marit Moum Aune vist sin helt spesielle evne til å gjøre samtidslitteratur om til vedkommende og medrivende samtidsteater.» – VG

 «Heretter heter det vi (…) Dette er teater som utfordrer til å vise empati, forståelse og respekt» – Dagbladet

 «Tung tids tale er en veldig god bok. Men sceneversjonen er om mulig enda litt bedre» – Dagsavisen

 «Dette er verd å oppleve (…) Særdeles godt teater» – Fædrelandsvennen

På scenen
Jon Bleiklie Devig, Siren Jørgensen, Marianne Krogh og Julie Moe Sandø.

Team
Produsent: Emnet Kebreab. Regissør: Marit Moum Aune. Scenograf: Even Børsum. Lysdesigner: Ola Bråten. Lyddesigner: Nils Wingerei. Dramatiker: Toril Solvang

Forestillingslengde: 1 time 30 minutter.

Urpremieren på Riksteatret i Nydalen 24. august 2018

Turnépremiere på Kilden 28. august 2018 (5 gonger i Kristiansand)

Turné til 50 stader med Riksteatret hausten 2018

Blir spela på Det Norske Teatret våren 2019

Riksteatret i samproduksjon med Det Norske Teatret og i samarbeid med Kilden Teater.

Foto (hovedbilde): Dreamstime
Foto (scenebilder): Erik Berg

 

 

Sagt om romanen:

 «Man trenger ikke store bøker for å løfte fram store temaer. Olaug Nilssen tar pusten fra leseren med sin lille roman.» – VG

 «Gripende kjærlighetserklæring» – Adresseavisen

 «Noe helt for seg selv, dypt medrivende.» – Dagbladet

«Olaug Nilssen skildrer en smerte som er så fysisk at jeg blir skjelven» – Aftenposten